India
ഉത്തർപ്രദേശിൽ ട്രെയിൻ ഇടിച്ച് 3 പേർ മരിച്ചു
ദില്ലി: ട്രെയിൻ ഇറങ്ങി പാളം മുറിച്ചു കടക്കുന്നതിനിടെ മറ്റൊരു ട്രെയിൻ ഇടിച്ച് ഉത്തർപ്രദേശിൽ 3 പേർ മരിച്ചു. ഇന്ന് രാവിലെ ആണ് ഞെട്ടിക്കുന്ന സംഭവം ഉണ്ടായത്.
മിർസപൂരിലെ ചുനാർ റെയിൽവേ സ്റ്റേഷനിൽ റെയിൽവേ പാളം മുറിച്ചു കടക്കുന്നതിനിടെ യാത്രക്കാരെ ട്രെയിനിടിക്കുകയായിരുന്നു.
ചോപ്പൻ പ്രയാഗ് രാജ് എക്സ്പ്രസ്സിൽ വന്നിറങ്ങിയ യാത്രക്കാരാണ് അപകടത്തിൽപ്പെട്ടത്. ഇവർ ട്രെയിൻ ഇറങ്ങി പാളം മുറിച്ചു കടക്കുന്നതിനിടെ നേതാജി എക്സ്പ്രസ് ഇടിക്കുകയായിരുന്നു.
മൂന്നുപേരും സംഭവ സ്ഥലത്തുവെച്ചു തന്നെ മരിച്ചു. പൊലീസ് സ്ഥലത്തെത്തി നടപടിക്രമങ്ങൾ ആരംഭിച്ചു.