Kerala
ബംഗാള് ഉള്ക്കടലില് ന്യൂനമര്ദ്ദം തീവ്രമായി;കേരളത്തിൽ വ്യാപക മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം
തിരുവനന്തപുരം: ബംഗാള് ഉള്ക്കടലില് ന്യൂനമര്ദ്ദം തീവ്രമായി. വടക്കുപടിഞ്ഞാറന് ബംഗാള് ഉള്ക്കടലിലും അതിനോട് ചേര്ന്ന വടക്കന് ഒഡിഷ – പശ്ചിമ ബംഗാള് തീരപ്രദേശങ്ങളിലും സ്ഥിതി ചെയ്തിരുന്ന ന്യൂനമര്ദം തീവ്ര ന്യൂനമര്ദമായി ശക്തിപ്രാപിച്ചതായി കേന്ദ്ര കാലാവസ്ഥ വകുപ്പ് അറിയിച്ചു.
ഇതിന്റെ സ്വാധീനഫലമായി കേരളത്തില് വ്യാഴാഴ്ച വരെ ഒറ്റപ്പെട്ട സ്ഥലങ്ങളില് ശക്തമായ മഴയ്ക്ക് സാധ്യതയെന്നും കാലാവസ്ഥ വകുപ്പ് അറിയിച്ചു.
അടുത്ത 24 മണിക്കൂറിനുള്ളില് വടക്കുപടിഞ്ഞാറന് ദിശയില് നീങ്ങുന്ന തീവ്ര ന്യൂനമര്ദ്ദം കൂടുതല് ശക്തി പ്രാപിച്ച് അതിതീവ്ര ന്യൂനമര്ദമായി മാറാനും സാധ്യതയുണ്ട്.
തുടര്ന്ന് തിങ്കളാഴ്ച ഉച്ചയോടെ വടക്കന് ഒഡീഷ – പശ്ചിമ ബംഗാള് തീരത്ത് പാരദ്വീപിനും സാഗര് ദ്വീപിനും ഇടയിലായി കരയില് പ്രവേശിക്കാനും സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.