Kerala
വിദ്യാർഥിനിയെ സ്വകാര്യ ബസിൽ നിന്ന് ജീവനക്കാർ ബലമായി ഇറക്കിവിട്ടതായി പരാതി
തൃശൂർ: വടക്കാഞ്ചേരിയിൽ വിദ്യാർഥിനിയെ സ്വകാര്യ ബസിൽ നിന്ന് ജീവനക്കാർ ബലമായി ഇറക്കിവിട്ടതായി പരാതി. പ്ലസ് വൺ വിദ്യാർഥിനിയെ കയ്യിൽ പിടിച്ച് ബസ്സിൽനിന്ന് ഇറക്കി വിട്ടു.
ഇന്നലെ വൈകുന്നേരം ‘ചിറയത്ത്’ എന്ന ബസിലാണ് സംഭവം. കുട്ടിക്കിറങ്ങേണ്ട പരുത്തിപ്രയിൽ ബസ് നിർത്തില്ല എന്ന് പറഞ്ഞ് മുന്നേയുള്ള സ്റ്റോപ്പിൽ ഇറങ്ങാൻ ആവശ്യപ്പെട്ടു. വിസമ്മതിച്ചപ്പോൾ കൈയിൽ ബലമായി പിടിച്ചിറക്കി വിട്ടെന്നും വിദ്യാർഥിനി വടക്കാഞ്ചേരി പൊലീസിൽ പരാതി നൽകി.
വടക്കാഞ്ചേരിയിലെ വിദ്യാർത്ഥി സംഘടനകൾ വിദ്യാർത്ഥിനിയെ സന്ദർശിച്ച് തങ്ങളുടെ പിന്തുണ അറിയിച്ചിട്ടുണ്ട് .പോലീസ് നടപടി സ്വീകരിച്ചില്ലെങ്കിൽ ശക്തമായ സമരം ഉണ്ടാകുമെന്നു സംഘടനകൾ മുന്നറിയിപ്പ് നൽകി .