മുഖ്യമന്ത്രി ആകുവാൻ താൻ റെഡിയെന്ന് സന്തോഷ് പണ്ഡിറ്റ് :വേണമെങ്കിൽ ഇന്ന് രാവിലെ തന്നെ;മഞ്ചേശ്വരം or പാലക്കാട് എംഎല്‍എമാരെ രാജിവെപ്പിച്ചു അവിടെ ഞാൻ നിന്ന് ജയിച്ചോളാം

കേരളത്തിൽ വോട്ടെണ്ണൽ കഴിഞ്ഞു ഫലം വന്നിട്ടും മുഖ്യമന്ത്രി ആരെന്നുള്ള കാര്യത്തിൽ തീരുമാനമാകാതെ ഉഴലുമ്പോൾ കോൺഗ്രസിന്റെ മുമ്പിൽ പുതിയ നിർദ്ദേശവുമായി എത്തിയിരിക്കുകയാണ് സന്തോഷ് പണ്ഡിറ്റ്.

ആരെയും കിട്ടിയില്ലെങ്കില്‍ കേരള മുഖ്യമന്ത്രിയാകാൻ താൻ തയ്യാറാണെന്ന് സന്തോേഷ് പറയുന്നു. 64 എംഎല്‍എമാരില്‍ 21 പേരുടെ പിന്തുണ കിട്ടിയാല്‍ ബാക്കി വേണ്ട 12 സീറ്റ് താൻ ഒപ്പിക്കാമെന്ന് പറഞ്ഞ സന്തോഷ് പണ്ഡിറ്റ്, മുഖ്യമന്ത്രി ആക്കിയാല്‍ ഇന്ന് രാവിലെ തന്നെ സത്യ പ്രതിജ്ഞ ചെയ്യുവാൻ താൻ റെഡി ആണെന്നും പറഞ്ഞു.

സന്തോഷ് പണ്ഡിറ്റിന്റെ  ഫേസ്‌ബുക്ക് കുറിപ്പുകൾ

ആരെയും കിട്ടുന്നില്ലെങ്കില്‍ കേരളത്തിൻ്റെ പുതിയ മുഖ്യമന്ത്രി ആകുവാൻ എനിക്ക് താല്‍പര്യം ഉണ്ടെ.. 64 എംഎല്‍എമാരില്‍ 21 പേരുടെ പിന്തുണ കിട്ടിയാല്‍ തന്നെ ബാക്കി വേണ്ട 12 സീറ്റ് ഞാൻ ഒപ്പിക്കും. ചില ചെറിയ എംഎല്‍എമാരെ ഉപ മുഖ്യമന്ത്രി ആകാമെന്നും, മറ്റുള്ള എംഎല്‍എമാരെ കാബിനേറ്റ് പദവി ഒക്കെ ഓഫർ കൊടുത്തു ചാക്കിട്ട് പിടിച്ചു 33 എംഎല്‍എ സപ്പോര്‍ട്ട് ഒപ്പിക്കും..

ഘടക കക്ഷികളുടെ പിന്തുണ എനിക്ക് കിട്ടില്ല. അവരൊന്നും മറ്റു പാർട്ടിക്കാരുടെ ആഭ്യന്തര വിഷയത്തില്‍ ഇടപെടേണ്ട. അവരൊന്നും ഇല്ലാതെ തന്നെ ഭരിക്കാവുന്ന ഭൂരിപക്ഷം ഉണ്ടല്ലോ. എന്നെ മുഖ്യമന്ത്രി ആക്കിയാല്‍ ഇന്ന് രാവിലെ തന്നെ സത്യ പ്രതിജ്ഞ ചെയ്യുവാൻ റെഡി..ഒരു ഗ്രൂപ്പിസവും പിന്നെ തലപൊക്കില്ല. നോക്കിക്കോ.

(വാല്‍ കഷ്ണം….മഞ്ചേശ്വരം or പാലക്കാട് എംഎല്‍എമാരെ രാജിവെപ്പിച്ചു അവിടെ ഞാൻ നിന്ന് ജയിച്ചോളാം. പോരെ) (പണ്ഡിറ്റ്‌ പുലി അല്ല. പുലികളെ വേട്ടയാടുന്നവനാണ്.. The real Gold, among the rolled gold..പണ്ഡിറ്റിനെ പോലെ ആരുമില്ല )