Kerala
കോൺഗ്രസിലെ മുഖ്യമന്ത്രി തർക്കം : മുന്നറിയിപ്പുമായി ജി സുധാകരൻ
ആലപ്പുഴ: കോൺഗ്രസിലെ മുഖ്യമന്ത്രി ചർച്ചകൾക്കിടെ മുന്നറിയിപ്പുമായി മുൻ സിപിഐഎം നേതാവും അമ്പലപ്പുഴയിൽ യുഡിഎഫ് പിന്തുണയോടെ മത്സരിക്കുകയും ചെയ്ത ജി സുധാകരൻ.
കോണ്ഗ്രസിലും പ്രതിസന്ധിയുണ്ടെന്നും ശ്രദ്ധിച്ചാല് കൊള്ളാമെന്നുമാണ് രമേശ് ചെന്നിത്തലയെ വേദിയിലിരുത്തി ജി സുധാകരന് പറഞ്ഞത്. ഇ വി ശ്രീധരന് പുരസ്കാര സമര്പ്പണ ചടങ്ങില് പങ്കെടുത്ത് സംസാരിക്കവെയായിരുന്നു ജി സുധാകരൻ ഇക്കാര്യം പറഞ്ഞത്. നിരവധി ചെറുപ്പക്കാര് കോണ്ഗ്രസിലുണ്ടെന്നും ജി സുധാകരന് ചൂണ്ടിക്കാട്ടി.
സിപിഐഎം പല സംസ്ഥാനങ്ങളിലും കോണ്ഗ്രസുമായി സഹകരിക്കുന്നുണ്ട്. മത്സരിക്കണം എന്ന് പറയുന്നത് തന്റെ അവകാശമാണ്. താന് എവിടെയും പോയിട്ടില്ല, സ്വതന്ത്രനായി നില്ക്കുകയാണ്. തന്നെ സഹായിച്ച കോണ്ഗ്രസിനോട് തനിക്കെന്നും നന്ദിയുണ്ടാകുമെന്നും ജി സുധാകരന് പറഞ്ഞു.