Kottayam
2000 ബൈക്ക്കൾ നാളെ ഷോൺ ജോർജിന് വേണ്ടി റാലി നടത്തും
പാലാ: എൻഡിഎ സ്ഥാനാർത്ഥി അഡ്വ: ഷോൺ ജോർജിൻ്റെ തിരഞ്ഞെടുപ്പ് പ്രചാരണാർത്ഥം നാളെ മെഗ ബൈക്ക് റാലി നടത്തും. നിയോജക മണ്ഡലത്തിലെ മുഴുവൻ പഞ്ചായത്തുകളിൽ നിന്നും പാലാ നഗരസഭയിൽ നിന്നും റാലിയിൽ പങ്കെടുക്കുന്നവർ ഉച്ചക്ക് 2.30 ന് ചെറു ബൈക്ക് റാലിയായി ഭരണങ്ങാനത്ത് എത്തിചേരും.
തുടർന്ന് ഭരണങ്ങാനത്ത് നിന്നും ആരംഭിക്കുന്ന മെഗാ ബൈക്ക് റാലി പന്ത്രണ്ട് പഞ്ചായത്തുകളിലെയും പ്രധാനപ്പെട്ട കേന്ദ്രങ്ങൾ സന്ദർശിച്ച് പാലായിൽ എത്തി അവസാനിപ്പിക്കും.
പാലാ നിയോജക മണ്ഡലത്തെ ആകെ ഇളക്കി മറിക്കുന്ന തരത്തിൽ രണ്ടായിരം പേരുടെ വലിയ ബൈക്ക് റാലിയാണ് ബിജെപി ലക്ഷ്യം വെക്കുന്നത്.