Kerala
ചങ്ങനാശ്ശേരിയിൽ “വീട്ടിലെ ബാർ” ഉടമ എക്സൈസ് പിടിയിൽ
ചങ്ങനാശ്ശേരി മാടപ്പള്ളി കരിക്കണ്ടത്ത് വീട്ടിൽ പ്രവർത്തിച്ചു വന്നിരുന്ന സമാന്തര ബാർ ഉടമ പാതയിൽ അരുൺ. P. ബൈജുനെ
ചങ്ങനാശ്ശേരി എക്സൈസ് ഇൻസ്പെക്ടർ അഭിലാഷിൻ്റെ നേതൃത്വത്തിലുള്ള എക്സൈസ് പാർട്ടി പിടികൂടി.
ഓണം സ്പെഷ്യൽ ഡ്രൈവിനോട് അനുബന്ധിച്ച് ചങ്ങനാശ്ശേരി താലൂക്കിൽ മദ്യം, മയക്കുമരുന്ന് കടത്തുകളും വില്പനയും കണ്ടെത്തുന്നതിനായി പരിശോധനകൾ എക്സൈസ് കർശ്ശനമാക്കിയിരുന്നു. പ്രതി അരുണിൻ്റെ വീട്ടിൽ നിന്നും മൂന്ന് ചാക്കുകളിലായി റം, ബ്രാണ്ടി ഇനത്തിൽപ്പെട്ട 40 കുപ്പികളാണ് കണ്ടെടുത്തത്. ഓണം ഡ്രൈ ഡേ കളിൽ അമിത വില ഈടാക്കി വിൽക്കുന്നതിനായി ശേഖരിച്ച മദ്യമാണ് എക്സൈസ് കണ്ടെത്തിയത്.
ചങ്ങനാശ്ശേരി കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. റെയിഡിൽ എക്സൈസ് ഇൻസ്പെക്ടർ അഭിലാഷിനൊപ്പം എക്സൈസ് ഇൻസ്പെക്ടർ (ഗ്രേഡ്) രാജീവ് കെ , അസ്സിസ്റ്റൻ്റ് എക്സൈസ് ഇൻസ്പെക്ടർ (ഗ്രേഡ്) R.Kരാജീവ്, സിവിൽ എക്സൈസ് ഓഫീസർ രതീഷ്.കെ.നാണു, പ്രവീൺ കുമാർ, വനിത സിവിൽ എക്സൈസ് ഓഫീസർ മീര. M . ഡ്രൈവർ സിയാദ് എസ് എന്നിവർ പങ്കെടുത്തു.