Kerala
പി സി ജോര്ജിന്റെ വെല്ലുവിളി നിയമ വ്യവസ്ഥയോട്; വിദ്വേഷ പ്രചാരണത്തിന് കേസെടുക്കണം – പി.ഡി.പി
തൊടുപുഴ: മുസ്ലിം സമുദായത്തിനെതിരെ പച്ച വര്ഗീയതയും വിദ്വേഷവും പ്രസംഗിച്ച പി.സി.ജോര്ജിനെതിരെ സംസ്ഥാനത്തെ വിവിധ പോലീസ് സ്റ്റേഷനുകളില് നല്കിയ പരാതികളിലെ കേസുകളില് ഗൗരവതരമായ നിയമനടപടികള് ഉണ്ടാകാത്തതാണ് വീണ്ടും വീണ്ടും വര്ഗീയതയും വിദ്വേഷവും പ്രസംഗിക്കാനും പ്രചരിപ്പിക്കാനും പിസി ജോര്ജിനെ പ്രേരിപ്പിക്കുന്നതെന്ന് പി.ഡി.പി.
വായ തുറന്നാല് വിദ്വേഷം മാത്രം പ്രസംഗിക്കുന്ന സാമുദായിക സൗഹാര്ദ്ദം തകര്ക്കാന് ശ്രമിക്കുന്ന കേരളത്തിന്റെ പൊതുശല്യമായ പി.സി.ജോര്ജ് വെല്ലുവിളിക്കുന്നത് മുഖ്യമന്ത്രിയെ അല്ലെന്നും രാജ്യത്തിന്റെ നിയമ വ്യവസ്ഥയെ ആണെന്നും മതവിദ്വേഷം പ്രസംഗിക്കുന്ന ജോര്ജിനെതിരെ കര്ശനമായ നിയമനടപടികള് സ്വീകരിക്കണമെന്നും പി.ഡി.പി. സംസ്ഥാന സെക്രട്ടറിയേറ്റ് അംഗം മാഹിന് ബാദുഷ മൗലവി പ്രസ്താവനയില് ആവശ്യപ്പെട്ടു.
അടിയന്തിരാവസ്ഥയുടെ അന്പതാം വാര്ഷികത്തില് ഇന്ന് തൊടുപുഴയില് നടന്ന പൊതുപരിപാടിയില് മത വിദ്വേഷ പ്രസംഗം നടത്തിയ പി.സി.ജോര്ജിനെതിരെ കേസെടുക്കണമെന്നാവശ്യപ്പെട്ട് പി.ഡി.പി. ഇടുക്കി ജില്ലാ പ്രസിഡന്റ് കെ.എ.കെബീര് തൊടുപുഴ പോലീസില് പരാതി നല്കി.