Kerala
മേക്കപ്പ് മാന് രഞ്ജിത്ത് ഗോപിനാഥനെ അനിശ്ചിത കാലത്തേക്ക് സസ്പെന്ഡ് ചെയ്ത് ഫെഫ്ക
ഹൈബ്രിഡ് കഞ്ചാവുമായി പിടിയിലായ മേക്കപ്പ് മാന് രഞ്ജിത്ത് ഗോപിനാഥനെ അനിശ്ചിത കാലത്തേക്ക് സസ്പെന്ഡ് ചെയ്ത് ഫെഫ്ക.കഞ്ചാവ് കേസില് ആര്ജി വയനാടന് എന്ന ചുരുക്കപ്പേരില് വിളിക്കുന്ന രഞ്ജിത്ത് ഗോപിനാഥനെ പൊലീസ് അറസ്റ്റ് ചെയ്തതിനെ തുടര്ന്നാണ് ഫെഫ്കയുടെ നടപടി.
അതേ സമയം ആര്ജി വയനാടന്റെ വീട്ടിലും ബ്യൂട്ടിപാര്ലറിലും എക്സൈസ് സംഘം റെയ്ഡ് നടത്തി. കഞ്ചാവ് ഉപയോഗിച്ചതിന്റെ തെളിവുകള് എക്സൈസ് കണ്ടെത്തിയിട്ടുണ്ട്. കഞ്ചാവ് സൂക്ഷിച്ച സിപ് ലോക്ക് കവറുകള്, കഞ്ചാവ് കുരുക്കള് എന്നിവ എക്സൈസ് സംഘം പിടിച്ചെടുത്തു.
ഇന്നലെ പുലര്ച്ചെ മൂലമറ്റം എക്സൈസാണ് മേക്കപ്പ് മാന് രഞ്ജിത്ത് ഗോപിനാഥനെ പിടികൂടിയത്. ആവേശം, പൈങ്കിളി, സൂക്ഷ്മദര്ശിനി, രോമാഞ്ചം, ജാനേമന് തുടങ്ങി നിരവധി സിനിമകളില് രഞ്ജിത്ത് മേക്കപ്പ് മാനായി പ്രവര്ത്തിച്ചിട്ടുണ്ട്. 45 ഗ്രാം കഞ്ചാവ് ഇയാളില് നിന്ന് എക്സൈസ് പിടിച്ചെടുത്തു. ഇടുക്കിയില് ഷൂട്ടിംഗ് പുരോഗമിക്കുന്ന ‘അട്ടഹാസം’ സിനിമയുടെ ലൊക്കേഷനിലേക്ക് പോകുന്നതിനിടെയാണ് ഇയാള് പിടിയിലായത്.