Kottayam
പാലാ സെന്റ് തോമസ് കോളേജിൽ കേന്ദ്ര ബജറ്റ് അവലോകനം തിങ്കളാഴ്ച
പാലാ:സെന്റ് തോമസ് കോളേജ് ഇക്കണൊമിക്സ് ബിരുദാനന്തര ബിരുദ ഗവേഷണ വിഭാഗത്തിന്റെയും അലുംനി അസോസിയേഷന്റെയും സംയുക്ത ആഭിമുഖ്യത്തിൽ കേന്ദ്ര ബജറ്റ് 2025-’26 ചർച്ചയും അവലോകനവും മാർച്ച് മൂന്നിന് നടത്തപ്പെടും. ഉച്ചക്ക് 1.20 ന് പ്രിൻസിപ്പൽ ഡോ. സിബി ജയിംസിന്റെ അധ്യക്ഷതയിൽ ചേരുന്ന സമ്മേളനം ഇക്കണൊമിക്സ് വിഭാഗം പൂര്വ്വ വിദ്യാർത്ഥിയായ ആന്റോ ആന്റണി എം പി ഉദ്ഘാടനം ചെയ്യും.
ഇക്കണൊമിക്സ് വിഭാഗം മുൻ മേധാവിയും സാമ്പത്തിക വിദഗ്ധനും ആയ പ്രൊഫ. പി എസ് മാത്യു മുഖ്യപ്രഭാഷണം നടത്തും. അസോസിയേഷൻ പ്രസിഡന്റ് ഡോ. ജോർജുകുട്ടി വട്ടോത്ത് പ്രസംഗിക്കും. തുടർന്ന് നടക്കുന്ന ചർച്ചകൾക്ക് വിഭാഗാധ്യക്ഷൻ ഡോ. കെ. സി. ബിജു മോഡറേറ്റർ ആയിരിക്കും. അന്ന് രാവിലെ വിദ്യാർത്ഥികൾക്ക് വേണ്ടി ബജറ്റിനെ ആസ്പദമാക്കി വിവിധ മത്സരങ്ങൾ നടത്തപ്പെടും. ഷെറിൻ ജോർജ്, അഭിലാഷ് വെട്ടം, വി എം സെബാസ്റ്റിയൻ, ഡോ. ജോബൻ കെ ആന്റണി തുടങ്ങിയവർ പരിപാടികൾക്ക് നേതൃത്വം നൽകും.