കുൽദീപം തെളിഞ്ഞു :എറിഞ്ഞു വീഴ്ത്തി കുൽദീപ് യാദവ് :വെസ്റ്റിൻഡീസിനെതിരായ ഏകദിന പരമ്പരയിലെ ആദ്യ മത്സരത്തിൽ ഇന്ത്യക്ക് എട്ടു വിക്കറ്റിന്റെ തകർപ്പൻ വിജയം

തിരുവനന്തപുരം: വെസ്റ്റിൻഡീസിനെതിരായ ഏകദിന പരമ്പരയിലെ ആദ്യ മത്സരത്തിൽ ഇന്ത്യക്ക് എട്ടു വിക്കറ്റിന്റെ തകർപ്പൻ വിജയം. തിരുവനന്തപുരത്തെ ഗ്രീൻഫീൽഡ് അന്താരാഷ്ട്ര സ്റ്റേഡിയത്തിൽ നടന്ന മത്സരത്തിൽ വെസ്റ്റിൻഡീസ് ഉയർത്തിയ 296 റൺസ് വിജയലക്ഷ്യം ഇന്ത്യ 41.4 ഓവറിൽ രണ്ടു വിക്കറ്റ് നഷ്ടത്തിൽ മറികടന്നു. ഇതോടെ മൂന്നു മത്സരങ്ങളടങ്ങിയ പരമ്പരയിൽ ഇന്ത്യ 1–0ന് മുന്നിലെത്തി.

വെസ്റ്റിൻഡീസിനായി ജസ്റ്റിൻ ഗ്രീവ്സ് 101 റൺസും ജോൺ ക്യാംപ്ബെൽ 62 റൺസും നേടി. ഇരുവരുടെയും ബാറ്റിങ് മികവിൽ വെസ്റ്റിൻഡീസ് മികച്ച സ്കോർ കണ്ടെത്തി.ഇന്ത്യക്കായി കുൽദീപ് യാദവ് 40 റൺസ് വഴങ്ങി നാലു വിക്കറ്റ് വീഴ്ത്തി. പ്രസിദ്ധ് കൃഷ്ണ രണ്ടു വിക്കറ്റും നേടി. മത്സരത്തിലെ മികച്ച താരമായി കുൽദീപ് യാദവിനെ തിരഞ്ഞെടുത്തു.

മറുപടി ബാറ്റിങ്ങിൽ ശുഭ്മാൻ ഗിൽ 110 റൺസും വിരാട് കോഹ്‌ലി പുറത്താകാതെ 139 റൺസും നേടി. ഇരുവരുടെയും സെഞ്ചുറികളാണ് ഇന്ത്യയുടെ വിജയത്തിന് അടിത്തറയായത്. രോഹിത് ശർമ 32 റൺസും നേടി.മൂന്നു മത്സരങ്ങളുള്ള പരമ്പരയിലെ രണ്ടാം ഏകദിനത്തിൽ വിജയിച്ച് പരമ്പര സ്വന്തമാക്കാനായിരിക്കും ഇനി ഇന്ത്യൻ ടീമിന്റെ ലക്ഷ്യം.

മറുപടി ബാറ്റിങ്ങിൽ ശുഭ്മാൻ ഗിൽ 110 റൺസും വിരാട് കോഹ്‌ലി പുറത്താകാതെ 139 റൺസും നേടി. ഇരുവരുടെയും സെഞ്ചുറികളാണ് ഇന്ത്യയുടെ വിജയത്തിന് അടിത്തറയായത്. രോഹിത് ശർമ 32 റൺസും നേടി.മൂന്നു മത്സരങ്ങളുള്ള പരമ്പരയിലെ രണ്ടാം ഏകദിനത്തിൽ വിജയിച്ച് പരമ്പര സ്വന്തമാക്കാനായിരിക്കും ഇനി ഇന്ത്യൻ ടീമിന്റെ ലക്ഷ്യം.