ബലിപ്പെരുന്നാൾ ജൂലൈ ഒമ്പതിനാകാൻ സാധ്യത. ജ്യോതിശാസ്ത്ര കണക്കുകൂട്ടലുകൾ അനുസരിച്ച് ഇസ്ലാമിക മാസമായ ദുൽഹജ് ഈ മാസം 30നാണ് ആരംഭിക്കുക. എമിറേറ്റ്സ് അസ്ട്രോണമി സൊസൈറ്റിയുടെ കണക്കുകൾ അനുസരിച്ച് ദുൽഹജ് 10ന് ആഘോഷിക്കുന്ന ബലിപ്പെരുന്നാൾ ജൂലൈ 9നായിരിക്കും. ദുൽഹജ് 9നാണ് മുസ്ലിംകൾ അറഫാ ദിനം ആഘോഷിക്കുന്നത്. ബലിപ്പെരുന്നാളിന് യു.എ.ഇയിൽ നാലു ദിവസത്തെ അവധിയാണ് ലഭിക്കുക.
