തിരുവനന്തപുരം: ഉള്ളൂരില്‍ പമ്പ് ജീവനക്കാർക്ക് നേരെ ആക്രമണം. ബൈക്ക് റേസ് ചെയ്തതുമായി ബന്ധപ്പെട്ട തർക്കമാണ് ആക്രമണത്തിൽ കലാശിച്ചത്. പരിക്കേറ്റ സൂപ്പര്‍വൈസര്‍ രാജേഷ് കുമാറിനെ ആശുപത്രിയില്‍ പ്രവേശിപ്പിച്ചു.
ഇന്നലെ വൈകിട്ട് അഞ്ചോടെയാണ് പെട്രോൾ അടിക്കാനായി ഒരു യുവാവ് ഉള്ളൂർ സിവില്‍ സപ്ലൈസ് പെട്രോള്‍ പമ്പിൽ എത്തുന്നത്. മദ്യലഹരിയിലായിരുന്ന ഇയാൾ ബൈക്ക് റേസ് ചെയ്തപ്പോൾ പമ്പ് ജീവനക്കാർ വിലക്കി. ഇത് വാക്കുതർക്കത്തിലേക്ക് മാറി. രോഷാകുലനായ യുവാവ് പമ്പിൽ നിന്ന് മടങ്ങി. ശേഷം ഇയാൾ രണ്ട് പേരെയും കൂട്ടി തിരിച്ചെത്തി.
