കാസർകോട്: പ്രത്യേകം തയ്യാറാക്കിയ ബസ്സില്‍ മുഖ്യമന്ത്രിയും മന്ത്രിമാരും ഉദ്ഘാടന കേന്ദ്രമായ മഞ്ചേശ്വരം മണ്ഡലത്തിലെ പൈവളികെയിലേയ്ക്ക് തിരിച്ചു. ബസില്‍ പ്രത്യേകം തയ്യാറാക്കിയ ഒന്നാമത്തെ സീറ്റിലാണ് മുഖ്യമന്ത്രി ഇരിക്കുക. വിന്‍ഡോ സീറ്റില്‍ പുറത്തുള്ള ജനക്കൂട്ടത്തെ അഭിവാദ്യം ചെയ്യാന്‍ പാകത്തിനാണ് മുഖ്യമന്ത്രിയുടെ ഇരിപ്പിടം. ഓരോ ഇരിപ്പിടത്തിനും ആവശ്യാനുസരണം മാറ്റാവുന്ന ട്രാന്‍സ്പരന്റ് ഗ്ലാസ് വിന്‍ഡോയുമുണ്ട്.
മഞ്ചേശ്വരം മണ്ഡലത്തിലെ പൈവളികെയിലാണ് നവകേരള സദസ്സിന്റെ ഉദ്ഘാടനം. വൈകിട്ട് 3.30 ന് പരിപാടിയുടെ സംസ്ഥാന തല ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിക്കും.
