പനാജി: ഇന്ത്യന് സൂപ്പര് ലീഗില് വ്യാഴാഴ്ച നടക്കാനിരുന്ന കേരള ബ്ലാസ്റ്റേഴ്സ്-എടികെ മോഹൻബഗാൻ മത്സരവും മാറ്റിവച്ചു. കോവിഡിന്റെ പശ്ചാത്തലത്തിലാണ് തീരുമാനം. ബ്ലാസ്റ്റേഴ്സിന് മൈതാനത്ത് ഇറക്കാൻ ആവശ്യമായ കളിക്കാരില്ലാത്തതിനാലാണ് മത്സരം മാറ്റിവയ്ക്കുന്നതെന്ന് അധികൃതർ അറിയിച്ചു.
പുതുക്കിയ തിയതി പിന്നീട് അറിയിക്കും. ബ്ലാസ്റ്റേഴ്സിന്റെ കഴിഞ്ഞ ഞായറാഴ്ച നടക്കേണ്ടിയിരുന്ന മത്സരവും മാറ്റിവച്ചിരുന്നു. നേരത്തെ മാറ്റിവച്ച എടികെ മോഹൻബഗാൻ-ഒഡീഷ എഫ്സി മത്സരം അടുത്ത ഞായറാഴ്ച ഫത്തോർഡ സ്റ്റേഡിയത്തിൽ നടക്കും.