കണ്ണൂർ: കോവിഡ് കേസുകള് വര്ധിക്കുന്നതിന്റെ പശ്ചാത്തലത്തില് കണ്ണൂര് ജില്ലയെ എ വിഭാഗത്തിൽ ഉള്പ്പെടുത്തി. ഈ സാഹചര്യത്തില് ജില്ലയിലെ നിയന്ത്രണങ്ങള് കര്ശനമാക്കി ഉത്തരവിറങ്ങി.
ആലപ്പുഴ, എറണാകുളം, കൊല്ലം ജില്ലകളാണ് എ വിഭാഗത്തിൽ ഉണ്ടായിരുന്നത്. ഇതിലേക്കാണ് കണ്ണൂരും ഉള്പ്പെട്ടത്.
ഇതോടെ ജില്ലയിൽ എല്ലാ സാമൂഹ്യ, സാംസ്കാരിക, രാഷ്ട്രീയ, മത, സാമുദായിക, പൊതു പരിപാടികൾക്കും വിവാഹം, മരണാനന്തര ചടങ്ങുകൾക്കും പരമാവധി 50 പേർക്ക് മാത്രമേ പങ്കെടുക്കാവൂ. കണ്ണൂർ ഗവ. മെഡിക്കൽ കോളജിൽ കോവിഡ് രോഗികളുടെ പ്രവേശനം കൺട്രോൾ റൂം വഴി മാത്രമാക്കി.