ന്യൂഡൽഹി: ഭൂകമ്പത്തിൽ കനത്ത നാശം നേരിട്ട നേപ്പാളിന്റെ ദുഃഖത്തിൽ പങ്കു ചേരുന്നതായി പ്രധാനമന്ത്രി നരേന്ദ്ര മോദി. ജീവഹാനിയിലും നാശനഷ്ടങ്ങളിലും അതിയായ ദുഃഖം രേഖപ്പെടുത്തുന്നതായി അദ്ദേഹം ഔദ്യോഗിക ട്വിറ്റർ പേജിൽ കുറിച്ചു. സാധ്യമായ എല്ലാ സഹായവും നേപ്പാളിനു നൽകുമെന്നും അദ്ദേഹം കുറിപ്പിൽ വ്യക്തമാക്കി.
‘നേപ്പാളിൽ ഭൂകമ്പത്തെ തുടർന്നുണ്ടായ ജീവഹാനിയിലും നാശനഷ്ടങ്ങളിലും അതിയായ ദുഃഖമുണ്ട്. ഇന്ത്യ നേപ്പാളിലെ ജനങ്ങളോട് ഐക്യദാർഢ്യം പ്രകടിപ്പിക്കുന്നു. സാധ്യമായ എല്ലാ സഹായവും നേപ്പാളിനു നൽകും. ഇന്ത്യയുടെ ചിന്തകൾ ദുഃഖിതരായ കുടുംബങ്ങൾക്കൊപ്പമാണ്. പരിക്കേറ്റവർ വേഗത്തിൽ സുഖം പ്രാപിക്കട്ടെ’- അദ്ദേഹം ട്വിറ്ററിൽ കുറിച്ചു.
