സംസ്ഥാനത്ത് ഇന്ന് സ്വർണവിലയിൽ ഇടിവ്. ഒരു പവൻ സ്വർണത്തിന് ഇന്ന് 80 രൂപയാണ് കുറഞ്ഞത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 45,200 രൂപയായി. ഒരു ഗ്രാം സ്വർണത്തിന് 10 രൂപ കുറഞ്ഞ് 5,650 രൂപയിൽ എത്തിയിട്ടുണ്ട്. ഇന്നലെ ഉയർന്ന സ്വർണവിലയാണ് ഇന്ന് ഇടിഞ്ഞത്. ഇന്നലെ ഒരു പവൻ സ്വർണത്തിന് 80 രൂപയും, ഒരു ഗ്രാം സ്വർണത്തിന് 10 രൂപയും ഉയർന്നിരുന്നു.
ആഗോള വിപണിയിലെ ചലനങ്ങൾ അടിസ്ഥാനമാക്കിയാണ് സാധാരണയായി സ്വർണവില നിശ്ചയിക്കാറുള്ളത്. ആഗോളതലത്തിൽ വില ഉയർച്ചയിലാണെങ്കിലും, ആഭ്യന്തര വിപണിയിൽ നേരിയ ഇടിവിലാണ് വ്യാപാരം നടക്കുന്നത്. ട്രോയ് ഔൺസിന് 7.70 ഡോളർ ഉയർന്ന്, 1,992.62 ഡോളർ എന്നതാണ് ഇന്നത്തെ നിലവാരം. അതേസമയം, ഇസ്രായേൽ-ഹമാസ് യുദ്ധ പ്രതിസന്ധി നിലനിൽക്കുകയാണെങ്കിൽ വരും ദിവസങ്ങളിൽ ഇനിയും വില ഉയരാൻ സാധ്യതയുണ്ട്.
