ഇടുക്കി: ബൈസണ്‍വാലി ഇനി ദേവികുളത്തിന് സ്വന്തം. ബൈസണ്‍വാലി വില്ലേജിനെ ഉടുമ്പന്‍ചോല താലൂക്കില്‍ നിന്നും ഒഴിവാക്കിയതായി സര്‍ക്കാര്‍ ഗസറ്റ് വിജ്ഞാപനം പുറത്തിറക്കി. ബൈസണ്‍വാലി വില്ലേജിനെ പൂര്‍ണ്ണമായും ദേവികുളം താലൂക്കിലേക്കാണ് കൂട്ടിച്ചേർത്തിരിക്കുന്നത്.
ഇതോട് കൂടി ദേവികുളം താലൂക്കില്‍ ഉള്‍പ്പെടുന്ന വില്ലേജുകളുടെ എണ്ണം 15 ആയി. ഉടുമ്പന്‍ചോല താലൂക്കിലെ വില്ലേജുകളുടെ എണ്ണം 18ല്‍ നിന്നും 17 ആകും. ബൈസണ്‍വാലി വില്ലേജിനെ ഉള്‍പ്പെടുത്തിയ ശേഷമുള്ള ദേവികുളം താലൂക്കിന്റെ വിസ്തൃതി 11,90,19.5208 ഹെക്ടര്‍ ആണെന്ന് സര്‍ക്കാര്‍ അറിയിച്ചു.
