ആര്യാടൻ ഷൗക്കത്തിനെതിരായ അച്ചടക്ക ലംഘനം ചർച്ച ചെയ്യാനായി കെപിസിസിയുടെ അച്ചടക്ക സമിതി ഇന്ന് വീണ്ടും യോഗം ചേരും. മലപ്പുറം ഡിസിസി പ്രസിഡന്റിന്റെ അടക്കമുള്ള ഔദ്യോഗിക പക്ഷം നേതാക്കളുടെ വിശദീകരണം സമിതി ഇന്ന് കേൾക്കും. കഴിഞ്ഞ രണ്ട് തവണ നടന്ന സിറ്റിംഗിനും ആര്യാടൻ ഷൗക്കത്തിന്റെയും അദ്ദേഹത്തെ പിന്തുണക്കുന്നവരുടെയും വാദങ്ങളാണ് അച്ചടക്ക സമിതി കേട്ടത്.
എത്രയും വേഗം തീരുമാനം വേണമെന്നാണ് ആര്യാടൻ ഷൗക്കത്ത് ആവശ്യപ്പെട്ടിട്ടുള്ളത്. പറയാനുള്ളത് അച്ചടക്ക സമിതിക്ക് മുന്നിൽ പറഞ്ഞിട്ടുണ്ടെന്നും പലസ്തീൻ ഐക്യദാർഢ്യ റാലി നടത്താനുണ്ടായ സാഹചര്യം വിശദീകരിച്ചിട്ടുണ്ടെന്നും ആര്യാടൻ പ്രതികരിച്ചിരുന്നു.
