നവകേരള സദസിന്റെ യാത്രയുടെ ഭാഗമായി മുഖ്യമന്ത്രിയും മന്ത്രിമാരും സഞ്ചരിക്കുന്ന ബസിന്റെ ആഡംബരത്തിനെതിരെ നിരവധി വിമർശനങ്ങൾ ആണ് ഉയർന്നത്. എന്നാൽ ബസിലിരിക്കുന്ന മുഖ്യമന്ത്രിയുടെയും മന്ത്രിമാരുടെയും ചിത്രങ്ങൾ പുറത്തു വന്നതോടെ ഈ വിമർശനങ്ങൾ എല്ലാം തകിടം മറിഞ്ഞിരിക്കുകയാണ്.
ഇപ്പോഴിതാ, ഈ വിമർശനങ്ങൾക്ക് മറുപടിയായി മന്ത്രി ആർ ബിന്ദു ഫേസ്ബുക്കിൽ പങ്കുവെച്ച പോസ്റ്റും ശ്രദ്ധ നേടുകയാണ്. നോക്കൂ… ഇതിലെവിടെയാണ് നിങ്ങൾക്ക് ആഡംബരം കാണാൻ കഴിയുന്നത്? എന്ന് തുടങ്ങുന്ന കുറിപ്പാണു ഫോട്ടോയുൾപ്പടെ മന്ത്രി പങ്കുവെച്ചത്. കോളേജ് വിദ്യാർത്ഥികളേയും കൊണ്ട് ടൂർ പോകുന്ന വണ്ടികൾ ഇതിലേറെ സംവിധാനങ്ങൾ ഉള്ളവയാണ് എന്നാണ് മന്ത്രി കുറിച്ചത്. ഞങ്ങളുടെ ഈ യാത്ര വികസിത നവകേരളം സൃഷ്ടിക്കാനുള്ള ചരിത്രനിയോഗമാണ് എന്നും മന്ത്രി കുറിച്ചു.
