പാലാ :പോക്സോ കേസിൽ മധ്യവയസ്കനെ പോലീസ് അറസ്റ്റ് ചെയ്തു. ളാലം മുണ്ടുപാലം ഭാഗത്ത് പൊട്ടനാനിക്കൽ വീട്ടിൽ സണ്ണി ദേവസ്യ (58) എന്നയാളെയാണ് പാലാ പോലീസ് അറസ്റ്റ് ചെയ്തത്.കപ്യാര് സണ്ണി എന്നാണ് ഇയാൾ അറിയപ്പെടുന്നത് .മുണ്ടുപാലം ഗുഡ് ഷെപ്പേഡ് സെമിനാരിക്കടുത്താണ് ഇയാളുടെ വസതി .പാലാ ളാലം സെന്റ് മേരീസ് പള്ളിയിലെ മുൻ കപ്യാരായിരുന്നു.
ഇയാൾ പ്രായപൂർത്തിയാകാത്ത അതിജീവിതയുടെ നേരെ ലൈംഗികാതിക്രമം നടത്താൻ ശ്രമിക്കുകയായിരുന്നു. പരാതിയെ തുടർന്ന് പാലാ പോലീസ് കേസ് രജിസ്റ്റർ ചെയ്യുകയും ഇയാളെ പിടികൂടുകയുമായിരുന്നു. പാലാ സ്റ്റേഷൻ എസ്.എച്ച്.ഓ കെ.പി ടോംസന്റെ നേതൃത്വത്തിലാണ് ഇയാളെ അറസ്റ്റ് ചെയ്തത്. ഇയാളെ കോടതിയിൽ ഹാജരാക്കി.
