Monday, November 22, 2021

കാമുകനെ കാത്തിരുന്ന യുവതി നിരാശയായി പിന്നെ കാട്ടിക്കൂട്ടിയതൊക്കെ സിനിമയെ വെല്ലുന്ന രീതിയിൽ

 



കോട്ടയം : കാമുകനെ തേടി കോട്ടയം റെയില്‍വേ സ്റ്റേഷനിലെത്തിയ യുവതി പൊലീസിനെ വലച്ചു. ദീര്‍ഘനേരം കാത്തിരുന്നിട്ടും കാമുകന്‍ ഫോണ്‍ എടുത്തില്ല.പരിഭ്രാന്തയായ യുവതി പൊലീസിനെ ബന്ധപ്പെ​ട്ടു. പൊലീസ് യുവതിയോട് വീട്ടിലേക്ക്​ മടങ്ങാന്‍ നിര്‍ദേശിച്ചു. വീട്ടുകാരെ ബന്ധപ്പെടാനായി ഫോണ്‍ നമ്പർ  ആവശ്യപ്പെടുകയും ചെയ്​തു. അല്‍പനേരത്തിനുശേഷം യുവതി റെയില്‍വേ സ്​റ്റേഷനിലെ ആര്‍പിഎഫിന്റെ മുറിയിലേക്ക്​ ​ഓടിക്കയറി കതക്​ ഉള്ളില്‍നിന്ന്​ പൂട്ടി.




ശനിയാഴ്ച രാത്രി കോട്ടയം റെയില്‍വേ സ്റ്റേഷനിലാണ് സംഭവം.ഇരുമ്പ്  വാതിലായതിനാല്‍ കതക്​ തുറക്കാനുള്ള പൊലീസിന്റെ ശ്രമം പരാജയപ്പെട്ടു. മുറിയുടെ ജനലിലൂടെ അനുനയവും ഭീഷണിയും പ്രയോഗിച്ചെങ്കിലും ഏശിയില്ല. ഇതോടെ രാത്രി മുഴുവന്‍ പൊലീസുകാര്‍ പുറത്തുനിന്ന്​ നിരീക്ഷിച്ചു. ഞായര്‍ രാവിലെയും യുവതി പുറത്തിറങ്ങാന്‍ കൂട്ടാക്കാതിരുന്നതോടെ പൊലീസ്​ ഫയര്‍ഫോഴ്​സിന്റെ സഹായം തേടി. ഫയര്‍ഫോഴ്​സ് ഉദ്യോഗസ്​ഥര്‍ യുവതിയെ അനുനയിപ്പിച്ചു. ജനലി​നരികിലേക്ക്​ എത്തിയ യുവതിയുടെ കൈയില്‍ പിടികിട്ടിയ ഉദ്യോഗസ്​ഥര്‍ അവരെ അവിടെതന്നെ പിടിച്ചുനിര്‍ത്തി.


ഇതിനിടെ മറ്റൊരുസംഘം ജനലിലൂടെ ഇരുമ്ബു കമ്പി  ഉപയോഗിച്ച്‌ വാതിലിന്റെ ലോക്ക്​ മാറ്റി ഉള്ളില്‍ കയറി യുവതിയെ പുറത്തിറക്കി.​ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ച യുവതിയെ വൈകിട്ടോടെ ബന്ധുക്കള്‍ക്കൊപ്പം മടക്കി അയച്ചു.

Post a Comment

Top Categories

...
Browse through the top categories on Kottayam Media.

Whatsapp Button works on Mobile Device only