Sunday, October 17, 2021

തെറ്റായ വാർത്തകൾ പ്രചരിപ്പിക്കൽ ആശങ്കാജനകം:- ചെയർമാൻ ആന്റോ ജോസ് പടിഞ്ഞാറെക്കര

 


പാലാ നഗരസഭയുടെ പിറകുവശത്ത് മാസങ്ങളായി സൂക്ഷിച്ചുവച്ചിരിക്കുന്ന പ്ലാസ്റ്റിക് മാലിന്യ കൂമ്പാരങ്ങൾ ഇന്നലത്തെ കനത്ത മഴയെ തുടർന്നുണ്ടായ വെള്ളപ്പൊക്കത്തിൽ ഒഴുകി പോയെന്നും, ആയത് പകർച്ചവ്യാധികൾക്ക് കാരണമായെന്നും, സംബന്ധിച്ച് തെറ്റി ധാരണാജനകമായി പ്രചരിപ്പിച്ച വാർത്തകളോട് പ്രതികരിക്കുകയായിരുന്നു അദ്ദേഹം. 



യഥാർത്ഥ വസ്തുതകൾ മറച്ചുവെച്ച് ചില തൽപരകക്ഷികളുമായി ചിലവർ കൂട്ടുചേർന്ന് തെറ്റിധാരണാജനകമായ രീതിയിൽ വാർത്താ സംവിധാനം ചെയ്തതാണ് ഇതെന്ന് അദ്ദേഹം അറിയിച്ചു.യഥാർത്ഥത്തിൽ മാലിന്യക്കൂമ്പാരം അല്ല, മറിച്ച് നഗരസഭാ കർമ്മ സേനാംഗങ്ങൾ, വീടുകളിൽ നിന്നും വ്യാപാര സ്ഥാപനങ്ങളിൽ നിന്നും സംഭരിക്കുന്ന   പ്ലാസ്റ്റിക് കുപ്പികൾ, കഴുകിവൃത്തിയാക്കി, ചാക്കിലാക്കി, കെട്ടി സൂക്ഷിച്ചിരിക്കുകയാണ്, നഗരസഭയുടെ ബാക്ക് യാർഡിൽ... സർക്കാരിന്റെ ഉടമസ്ഥതയിലുള്ള ക്ലീൻ കേരള കമ്പനിക്ക് കൈമാറുന്നതിന് വേണ്ടി ഏകദേശം മൂന്നര ടൺ പ്ലാസ്റ്റിക് കുപ്പികൾ ആണ് ഇപ്രകാരം ചാക്കിലാക്കി ഇവിടെ സൂക്ഷിച്ചിട്ടുള്ളത്.


 ജില്ലാ ആസൂത്രണ സമിതിയുടെ അംഗീകാരം ലഭിക്കുന്ന മുറയ്ക്ക്, മാത്രമേ നഗരസഭയ്ക്ക് ഇത് കൈമാറാൻ നിർവാഹമുള്ളൂ. അതിനുള്ള നടപടികൾ ഏതാണ്ട് അവസാനഘട്ടത്തിലാണ് ഇപ്പോൾ... ഇന്നലെ പെയ്ത ശക്തമായ മഴയിലും, വെള്ളപ്പൊക്കത്തിലും ഏതാനും ചാക്കുകൾ മാത്രം മുകളിൽനിന്നു ഉരുണ്ടു താഴെ വീണതൊഴിച്ചാൽ, മറ്റൊന്നും സംഭവിക്കാത്ത സഹര്യത്തിലാണ് ഈ നുണ വാർത്താ പ്രചരണം. നഗരസഭാ കോമ്പൗണ്ടിനുള്ളിൽ നിന്നും അങ്ങനെ എന്തെങ്കിലും ചാക്കുക്കെട്ട്, ബോധപൂർവം ആരെങ്കിലും നീക്കിയിട്ടുണ്ടങ്കിൽ, ആയതു സംബന്ധിച്ചു അന്വേഷണം ഉണ്ടാവുമെന്നും അദ്ദേഹം അറിയിച്ചു.



കോട്ടയം മീഡിയായുടെ വിശദീകരണം:പാലായിലെ പൊതു പ്രവർത്തന രംഗത്ത് സത്യത്തിന്റെയും ധർമ്മത്തിന്റെയും ഭാഗത്ത് നിന്ന് കൊണ്ട് അനേക സമരങ്ങൾ നടത്തുകയും ,പൊതു പ്രവർത്തകർക്ക് ആകെ മാതൃകയായുള്ള മാതൃകാ പൊതു ജീവിതം നടത്തുകയും ചെയ്യുന്ന ജോയി കളരിക്കൽ എന്ന വ്യക്തി ആം ആദ്മി പാർട്ടി യുടെ പേരിൽ നൽകിയ  വാർത്തയാണ് കോട്ടയം മീഡിയാ പ്രസിദ്ധീകരിച്ചിട്ടുള്ളത്.എന്നാൽ ഇന്നലെ തന്നെ പാലാ നഗരസഭാ ദുരിതാശ്വാസ കേന്ദ്രങ്ങൾ തുറന്ന വാർത്ത കോട്ടയം മീഡിയായിൽ വന്നിരുന്നു.വൈസ് ചെയർ പേഴ്‌സൺ സിജി പ്രസാദിന്റെയും ദുരിതാശ്വാസ കേന്ദ്രം തുറക്കുന്നത് സംബന്ധിച്ചുള്ള വാർത്തയും നല്കിയിരുന്നു. ഇന്നും കൊട്ടാരമറ്റം ബസ് ടെർമിനൽ വൃത്തിയാക്കിയ വാർത്തയും നൽകിയിരുന്നു. ഇതൊക്കെ കോട്ടയം മീഡിയായിൽ മാത്രമേ വന്നിട്ടുള്ളൂ എന്നിരിക്കെ നുണ പ്രചരിപ്പിക്കുന്നു എന്ന ബഹുമാനപ്പെട്ട ചെയർമാന്റെ വാദം മറ്റാരെയോ ഉദ്ദേശിച്ചുള്ളതാകുമെന്നാണ് സൂചനകൾ.

Post a Comment

Top Categories

...
Browse through the top categories on Kottayam Media.

Whatsapp Button works on Mobile Device only